OSASUNGOA EUSKALDUNTZEKO ERAKUNDEA

ESTATUTUAK

I. KAPITULUA

IZENDAPENA

1. Artikulua

Nortasun juridiko propioarekin eta bere bazkideen nortasunaz desberdindurik eratzen da OSASUNGOA EUSKALDUNTZEKO ERAKUNDEA.

Aipatutako Erakunde hori Estatutu hauen bidez eramenduko da, Estatutu horiek Lege 3/1988, Otsailaren 12koa, Elkarteei buruzkoarekin kontraesanean ez dauden heinean, eta baita bere gobernuko organoen bidez ere, beti ere Legearen eta/edo Estatutuen aurka ez badoaz, eta horietaz gainera aplikatzeko modukoaz gertatzen diren bestelako arau eta xedapenen bidez.

HELBURUAK

2. Artikulua

Erakundearen helburu bezala ezartzen da gizartea euskalduntzeko prozesuan parte hartzea, Euskal Osasungoaren ikuspegitik. Helburu hori lortzeko, erakundeak ondorengo jarduerak burutuko ditu:

a) Euskararen erabilera sustatzea, bai irakaskuntzan eta etorkizuneko profesionalen heziketan, eta baita laneko zentroetan eta tokietan ere, jarduera sanitarioari dagokionez.

b) Euskararen erabilera bultzatu eta indartzea, Medikuntzako profesionalak eraginkortasunaren bidetik beren eguneroko ihardunean euskara erabiltzeko duten beharrizanaz jabetu daitezen.

d) Euskaraz idatzitako Medikuntza eta Osasunari buruzko aldizkari eta argitalpen sorrera sustatzea.

e) Hitzaldiak eta aipaturiko helburu eta jarduerei dagozkien bestelako ekitaldiak antolatzea.

f) Era guztietako erakunde, elkarte, entitate edo partikularrekin lankidetzan aritzea, bere helburuak lortzeko eta azaldutako jarduerak burutzeko.

Aipatu jardueren kalterik gabe, bere helburu nagusiak erdiesteko, orain sortzen den Erakundea gai izango

a) Edozein eratako jarduera ekonomikoak garatzeko, bere helburuak lortu asmoz, edota bide horretan baliabideak eskuratu ahal izateko.

b) era guztietako ondasunak lortu eta horietaz jabetzeko, edozein titulutatik, hala nola ekitaldiak eta kontratuak burutzeko, eta legeen edota bere Estatuen arabera, mota guztietako ekintzak egikaritzeko.

EGOITZA SOZIALA

3. Artikulua

Egoitza soziala ondorengoa da: Paris Etxea, Irazu 12, 3. A ; Usurbil, Gipuzkoa; Posta-kodea: 20170. Erakundeak bestelako lokalak ere eduki ahal izango ditu, Batzorde Zuzendariari dagokiolarik egoitza sozialaren eta jabetzan eduki daitezkeen bestelako lokalen leku-aldaketak erabakitzea.

LURRALDE ESPARRUA

4. Artikulua

Erakundeak nagusiki bere funtzioak betetzeko lurralde-esparrua Euskal Herrira mugatzen da.

5. Artikulua

Osasungoa Euskalduntzeko Erakundeak iraupen mugagabea ukanen du, Estatutu hauen V. Kapituluan aurreikusitako arrazoien arabera desegintza posible baten kaltetan ez joatekotan.

II. KAPITULUA

GOBERNU ETA ADMINISTRAZIOKO ORGANOAK

6. Artikulua

Erakundearen gobernu administrazioko organoak izango dira: a) Bazkideen Asanblada Orokorra. b) Batzorde Zuzendaria. d) Lehendakaria.

7. Artikulua

Asanblada Orokorra, bazkide guztiek osatzen dutena, da hauen borondatearen adierazpen-organoa; eta era honetan, gai da erakundearen helburuak ukitzen dituzten arazo guztiak eztabaidatu eta horietaz erabakitzeko. Erakundearen jarduerak eta martxa ezagutzeko eta beroiei buruz informatua izateko eskubidea du, eta baita erakundearen bestelako organoek hartutako erabakien eta eramandako gestioen berri edukitzeko ere.

8. Artikulua

Asanblada Orokorra ohizko eta aparteko batzarraldietan bilduko da. Asanblada ohizko batzarraldian deitua izango da, urte natural bakoitzeko lehen hiruhilekoaren barruan. Asanblada aparteko batzarraldian bilduko da horrela erabakitzen duenean Zuzendaritzako Batzordeak bere kabuz, edota gutxienez ere Erakundearen partaide guztien % 20 suposatzen duten bazkide-kopuru batek horrela eskatuta. Eskaria erakundearen Lehendakariari zuzenduko zaio, eta bazkide eskatzaileak sinatua joango da, bertan bileraren arrazoiak eta helburua adieraziz.

9. Artikulua

Ohizko izaeraz bildutako Asanblada orokorrari dagokio:

a) Batzorde Zuzendariaren eta beronen osagaien jarduera aztertzea, Estatutu hauetan esleitzen zaizkien eginkizunak bete ote dituzten ikusteko.

b) Urteroko Txostena, aurrekontuaren onespena eta kontuen kitapena ezagutu eta onestea.

d) Erakundearen jarduera-plan orokorra ezagutzea.

e) Lehendakaria eta Zuzendaritza-Batzordeko kideak aukeratzea.

f) Bazkideen kuotak finkatzea.

g) Erakundearen ibilera egokiari dagozkion beste edozein arazo.

10. Artikulua

Aparteko izaeraz bildutako Asanblada orokorrari, berriz, dagokio: a) Estatutuaren aldaketa eta helburuaren hedapena erabakitzea. b) Erakundearen desegintza, horrela gertatuko balitz. d) Erakundearen ondazunak xedatzea eta desjabetzea. e) Erakundearentzat Administrazioari onura publikoko deklarazioa eskatzea, eta beste elkarte batzuekin integrazioa, federazioa edo bategitea, nahiz horietako batetik irtetea erabakitzea.

11. Artikulua

Asanblada orokorraren deia, bai ohizkoarena eta baita apartekoarena ere, idatziz egingo da, bertan bileraren lekua, data eta ordua adieraziz, hala nola gai-ordena. Deialdi-egunaren eta Asanblada egiteko egunaren artean gutxienez 10 eguneko tartea egongo da. Eta nahi izanez gero, deialdian asanblada, horrela behar izatekotan bigarren deialdian bilduko litzatekeen data ere aipatu daiteke, bilera baten eta bestearen artean gutxienez bost orduko epea egongo delarik.

12. Artikulua

Asanblada orokorra, lehen deialdian, balioz eratua geratuko da bertara bazkideen erdia gehi bat, presente edo ordezkaturik, agertzen bada; eta bigarren deialdian, edozein dela ere agertutako bazkideen kopurua. Ordezkaritza Lehendakariari zuzendutako gutunaren bidez emango da, eta bazkide batek egingo du bereaz aparte beste hiru bazkide baino gehiagoren ordezkaritzarik eduki.

13. Artikulua

Asanbladaren akordioak edo erabakiak botoen, presenteen nahiz ordezkatuen, gehiengoz hartuko dira, bazkide bakoitzari boto bat egokituz eta berdinketa gertatuz gero lehendakariaren botoa erabakigarria izango da.

14. Artikulua

Zuzendaritzako Batzordea Lehendakariak eta lau batzarkidek osatuko dute. Bere baitatik, Batzorde Zuzendariak Lehendakariorde bat, Idazkari bat eta Diruzain bat aukeratuko ditu: Hilabetean behin bildu beharko dute gutxienez ere, eta jarduera sozialen garapen egokiak eskatzen duten aldioro.

15. Artikulua

Zuzendaritzako Batzordea Asanbladak aukeratua izango da, 2 urtetako denboraldi baterako, espresuki kontraerabakirik egon ezik, eta bertako partaideek mugarik gabe berraukeratuak izan daitezke.

16. Artikulua

Behin Asanblada orokorrak izendatu eta gero, onespen formalari ekiten zaionean asumituko da norberaren gain Batzorde Zuzendariko partaidearen kargua. Zuzendaritzako karguetan daudenek ez dute inolako saririk edo dirurik jasoko.

17. Artikulua

Zuzendaritza-Batzordeko partaideak ondorengo kasuetan izango dira kargutik kenduak: a) Agintealdiko epea bukatzeagatik. b) Dimisioagatik. d) Bazkide-izaera galtzeagatik. e) Heriotzagatik.

18. Artikulua

Zuzendaritzako Batzordeari dagokio Asanblada orokorrak esleitutako eginkizunak eta ondoren aipatzen direnak betetzea: a) Erakundearen ohizko gestioak zuzentzea. b) Erakundearen jarduera-plan orokorra prestatzea. d) Urteko Txostena idaztea, aurrekontuak eta sarrera/gastuen kitapena lantzea eta Asanblada Orokorrari aurkeztea haien azterketa eta onespenerako. e) Asanblada orokorraren bileretako gai-ordena prestatzea, hala nola Asanblada ohizkoen eta apartekoen deialdia erabakitzea. f) Bazkideek egindako proposamenak edo iradokizunak aztertu eta bideratzea. g) Bazkide berriak onartzea, beren borondatezko baja onestea, eta beren bazkide-izaera kentzea horrelakorik merezi izan dutenei. h) Espresuki Asanbladari esleitzen ez zaion beste edozein eginkizun.

19. Artikulua

Zuzendaritzako Batzordeak bere bilerak egingo ditu Lehendakariak, edota bere kasuan Lehendakariordeak, egokitzat jo dezan guztietan, bere ekimen propioz edota bere osagaietako edozeinen eskariz. Lehendakariak presiditua izango da, eta honen ausentzian Lehendakariordeak, eta biak falta balira Batzordeko partaiderik zaharrenak presidituko luke.

Zuzendaritzako Batzordea balioz eratua gera dadin beharrezkoa da bere lagunetarik gutxienez erdia gehi bat bertan egotea. Akordioak botoen gehiengoz hartuko dira, hainbanako kasuetan behar bezala presiditzen duenaren kalitatezko botoak erabakiz. Saioen akta Idazkariak jasoko du, ondoren akta hori dagokion Liburura transkribatua izango delarik.

20. Artikulua

Erakundearen Lehendakariak bere gain hartzen du erakundearen ordezkaritza legala, eta berak egikarituko ditu Zuzendaritzako Batzordeak eta Asanblada Orokorrak hartutako erabakiak, berak presiditzen baititu bata zein bestea.

21. Artikulua

Lehendakariari dagozkio Zuzendaritzako Batzordeari edota Asanblada Orokorrari espresuki egozten ez zaizkien ahalmen guztiak, eta bereziki ondorengoak:

a) Asanblada orokorrak eta Zuzendaritzako Batzordeak egin ditzaketen saioak deitu, presiditu eta amaitzea, bataren zein bestearen deliberamenduak zuzentzea eta bozketak erabakitzea hainbanakoen kasuan bere kalitate botoaz.

b) Bere sinaduraz Asanblada orokorraren eta Zuzendaritzako Batzordearen saioen aktak baimentzea.

d) Bere eginkizunetan Zuzendaritzako Batzordea sustatu eta gidatzea.

e) Balioz erabakitako paguak agintzea.

f) Premiazko izaeraz sor daitezkeen arazoak ebaztea, horren berri emanez Zuzendaritzako Batzordeari ospatuko den lehen saioan.

22. Artikulua

Lehendakariordearen lana izango da Lehendakariaren eginkizunak bere gain hartzea, honen heriotza, ausentzia, gaixotasuna edo dimisioa gertatuko balitz.

III. KAPITULUA

BAZKIDEENA

23. Artikulua

Erakundearen bazkide izan daitezke ondorengo baldintzak betetzen dituztenak: adinez nagusiak izan eta jarduteko gaitasun legala edukitzea. Erakundearen partaide izan nahi dutenek, idatziz egingo dute eskaria, bi bazkideren abalarekin eta Lehendakariari zuzenduz bere eskaria. Honek eskariaren berri emango dio Zuzendaritzako Batzordeari zeinak erabakiko duen onarpena nahiz ezezpena, eta erabaki honen kontra gora jo daiteke Asanblada orokorraren aurrean errekurtsoa tarteratuz.

24. Artikulua

Edozein bazkideren eskubideak honakoak dira:

a) Asanblada orokorretan ahotsaz eta botoz parte hartzea, horretarako bere ordezkaritza beste bazkide batzuei eman diezaiekeelarik.
b) Erakundearen zuzendaritzako karguak aukeratzea eta kargu horietarako aukeratua izatea,Estatutu hauen arabera.
d) Erakundearen martxaz eta beronen jarduera desberdinez informatua egotea.
e) Erakundearekiko bere interesak idaroki dizkion eta bere ustez Asanbladan aztertzeko modukoak diren iniziatiba edo arazo oro Zuzendaritzako Batzordeari proposatzea.
f) Ekintza sozial kolektiboetan parte hartzea eta bazkideen erabilera amankomunerako zuzenduak dauden elementuez gozatzea, kasu bakoitzean Zuzendaritzako Batzordeak xedatuko duen bezala.
g) Erakundean bere baja aurkeztea, nahi duen unean.
h) Zigor-neurriak hartu aurretik entzuna izatea, eta haiek ekarriko dituzten arrazoiez informatua izatea. Arrazoi horiek, bestalde, bazkide bezala dituen eginkizunak ez betetzeagatik soilik etor daitezke.

25. Artikulua

Bazkideen eginkizunak dira: a) Erakundearen helburuak lortzeko bere partaidetza aktiboa eskaintzea. b) Estatutu hauek, eta Erakundearen organo zuzendariek balioz hartutako erabakiak betetzea.

26. Artikulua

Bazkide-izaera ondorengo kasuetan galduko da: a) Heriotzagatik. b) Bere borondatez banantzeagatik. d) Zigorragatiko banantzea, Zuzendaritzako Batzordeak erabakia, Estatutu hauetatik ateratzen diren eginkizunetan eta Erakundearen zuzendaritzako organoak balioz hartutako akordioetan ez-betetze larriak eta behin eta berriz errepikatuak ikusten direnean bazkidearen aldetik.

27. Artikulua

Banantze-erabakiaren berri emango zaio interesatuari, adieraziz gainera erabaki horren kontra helegitea tarteratu ahal izango duela egingo den lehenengo Asanblada orokorrean. Bien bitartean, Lehendakaritzak espedientatua bere eskubideetan esekitzea erabaki dezake, eta Zuzendaritza-Batzordeko partaide izango balitz, kargutik kentzea eta bere lanean esekitzea erabaki beharko du.

28. Artikulua

Banantze-erabakia, arrazoitua beti ere, interesatuari aditzera emango zaio, eta honek Tribunaletara jotzeko aukera du dagokion eskubidea egikaritzeko, erabaki hura Legearen edo Estatutuaren kontrakoa dela iritziko balu.

IV. KAPITULUA

ONDAREA, BALIABIDEAK ETA AURREKONTU-ERREGIMENA

29. Artikulua

Erakundeak ez du sortzezko ondarerik.

30. Artikulua

Jarduera sozialak betetzeko aurreikusitako baliabide ekonomikoak hauek izango dira:

a) Bazkideen kuotak

b) Dagozkion ondasun eta eskubideen emaitzak, hala nola legez jaso ditzakeen diru-laguntza, legatu, dohaintza eta herentziak.

c) Egitea erabakitzen diren jardueratatik Erakundeak lortutako diru-sarrerak

31. Artikulua

Erakundearen aurrekontua urtero onartuko da Asanblada orokorrean, eta urte naturalarekin bat etorriko da.

V. KAPITULUA

DESEGINTZA

32. Artikulua

Erakundea desegingo da:

a) Bazkideen borondatez, horretarako deitutako Asanbladan adieraziz, bertara bildutakoen gehiengo absolutuaren aldeko botoarekin

b) Ebazpen judizialagatik

c) Kode zibileko 39. Artikuluan aurreikusitako arrazoiengatik

30. Artikulua

Desegintza-kasuan, Asanblada Orokorrak Batzorde Kitatzaile bat izendatu beharko du, lau bazkidez osatua. Eta batzorde hau arduratuko da Erakundearen inbentarioaz, balorazioaz eta eskubide eta eginkizunez, bazkideen aurrean eta hirugarrenen aurrean.

Kitapenaren gerakena, egotekotan, Euskaltzaindira zuzenduko da.

1990eko martxoaren 17an, Elkartea sorrarazteko egindako Batzarrean, Araudi hauek onartuak izan ziren.